هېواد کې د کرونا ویروس ۶۵ تازه پېښې ثبت شوې دي

09 زمری 1399

تېرو ۲۴ ساعتونو کې د هېواد په کچه د کرونا ویروس ۶۵ مثبتې پېښې ثبت شوې او د یاد ویروس له کبله ۱۰ تنه هم مړه شوي دي.

د عامې روغتیا وزارت د مالوماتو له مخې چې نن(پنجشنبې د زمري په ۹مه نېټه) له رسنیو سره شریک شوي دي، ښیې چې تازه ثبت شوې پېښې د ۳۰۰ مشکوکو کتل شویو نښو پایله ده.

همداراز یاده موده کې ۱۵۵ تنه روغ شوي هم دي.

د تازه ثبت شویو پېښو سره هېواد کې د ټولو مثبتو پېښو شمېر ۳۶ زره او ۵۳۸ ته ورسید چې له ډلې یې ۹۸۳۴ فعاله دي.

د دې ترڅنګ تر اوسه هېواد کې د کوویډ۱۹ ناروغۍ له کبله ۱۲۸۱ تنه مړه شوي دي.

د عامې روغتیا وزارت شمېرې ښیې چې تر اوسه د هېواد په کچه ۸۸زره او ۵۰۲ مشکوکې پېښې کتل شوې دي.

تازه پېښې ۹ کابل، ۲۸ هرات، ۱بلخ، ۵ پکتیا، ۲ تخار، ۱ بغلان، ۳ کندز، ۴ بدخشان، ۲ غور، ۱ پنجشېر، ۷ فراه او ۲ هم په فاریاب ولایت کې ثبت شوې دي.

دغه مطلب ته ستوری ورکړه
(0 رایې)