په پاکستان کې تېرې درې ورځې سیلابونو لږ تر لږه پنځوس تنه مړه کړي.

20 زمری 1399

په بېلابېلو سیمو کې سخت موسمي اورښتونه د سیلابونو د راوتلو او خلکو ته د زیان رسېدو لامل شوي.

ډېر زیان په خیبرپښتونخوا کې خلکو ته رسېدلی.

د پاکستان د بېړنیو حالاتو سره د مبارزې ادارې ویلي په خیبر پښتونخوا کې ۱۹ کسان، په سند کې دولس، په ګلګت کې لس او په پنجاب کې اته کسان مړه شوي.

دوی له خلکو سره د مرستو لپاره له پوځ همکاري غوښتې.

د راپورونو په اساس د پاکستان پوځیان په سیلاب ځپلو سیمو کې د خلکو مرستې ته وردانګلي.

دغه مطلب ته ستوری ورکړه
(0 رایې)