کندهار کې یوه نجلۍ په بې‌رحمانه ډول وژل شوې

تېره ورځ د کندهار ولايت په عينو مېنه ښارګوټي کې د يوې نجلۍ جسد موندل شوی چې په ډېره بې رحمانه ډول وژل شوې او د مخ پوست يې د چاقو په وسيله ترې اړول شوی دی.

د کندهار امنیه قومندان تادين خان له خامه‌پرس خبري اژانس سره خبرو کې دغه پېښه تاييد کړه او ټينګار يې وکړ چې په دې تړاو د پوليسو څېړنې روانې دي.

نوموړي وويل، تر دې مهاله د دې نجلۍ هويت نه دی تثبيت شوی او جسد يې روغتون ته لېږدول شوی دی.

انځورونه ښيي چې دغه نجلۍ په بې رحمانه ډول وژل شوې او د چاقو په وسيله يې د مخ پوستکی ترې اړول شوی دی.

د يادولو ده چې کندهار ولايت کې په وروستيو کې دغه ډول پېښې زياتې شوې او د خلکو جدي اندېښنې يې راپورته کړې دي.

دغه مطلب ته ستوری ورکړه
(0 رایې)