په پروان ولایت کې د بادرنګو حاصلات ۱۶ فیصده زیات شوي.

05 چنګاښ 1399

د دې ولایت د کرنې او مالدارۍ ریاست د معلوماتو له مخې سږ کال به په پروان ولایت کې د بادرنګو حاصلات ۲ زره ۵۵۷ متریک ټنو ته ورسېږي.

د پروان ولایت د کرنې ر‎ئیس عبدالوهاب خیرزاد وايي، سږ کال په ۸۲۵ هکتار ځمکه کې بادرنګ کرل شوي دي.

د ښاغلي خیرزاد په خبره، تېر کال په دې ولایت کې په ۷۶۵ هکتاره ځمکه کې بادرنګ کرل شوي و چې شااوخوا ۲ زره ۱۳۰ مټریک تنه حاصلات ترې واخیستل شول.

د پروان ولایت بادرنګ په ټول هېواد کې په چارېکاري بادرنګو مشهور دي او د کابل په ګډون په بېلابېلو سیمو کې مینه‌وال لري.

دغه مطلب ته ستوری ورکړه
(0 رایې)